أهم 4 مهارات شخصية soft skills ج1

يعني أي soft skills

هي عادات وسلوكيات شخصية بيكتسبها الفرد من خلال تعامله مع الناس وتفاعله مع المواقف اللي بيتعرضلها،وبيبقى

ليها علاقة بالذكاء العاطفي Eq، مش بيدرسها الفرد أكاديميًا سواء فالمدرسة، أو الجامعة، المهارات الشخصية دي بتبقى

البطاقة الذهبية the golden ticket فحياة أي حد سواء كان طالب أو موظف لأنها بتفرق عن طالب والتاني عن

موظف والتاني، لأنهم بيكونوا متساويين في المهارات التقنية hard skills، والمهارات الحياتية بتكون الفيصل.

Unfortunately, some people believe that soft skills aren’t that important. However, almost every employer I’ve ever talked to about this disagrees. In a world where job roles are changing rapidly, soft skills will be one of the few constants”

Chris Jones

هستفاد اي لما اتعلم المهارات الحياتية soft skills

1- أنك تكون قادر على إنجاز كل أهدافك ومهامك بشكل أكثر فعالية، وتركيز.

2- تتفاعل مع الناس زي زملائك فالدراسة، فالشغل، أو عميل بطريقة صح وتتواصل معاهم بشكل يحقق أكبر استفادة لكل الأطراف.

3-تفهم أي اللي بيحتاجه الناس حواليك، ازاي تتفاوض مع أي حد وتاخد اللي أنت عاوزه.

4- قادر على عرض أي فكرة أو معلومة بشكل يجذب الانتباه، من غير ما تحسس اللي قدامك بالملل.

5- قادر على تنظيم وقتك.

6- قادر على اتخاذ القرارات بشكل موضوعي وواضح.

7-بتفكر بشكل أكثر إيجابية، وبتقترح حلول فعالة للمشاكل.

أهم مهارات soft skills

1- تعلم كيف تتعلم Learn how to learn

وتعتبر من أهم مهارات soft skills، لأنك ببساطة هتتعلم ازاي الدماغ بتشتغل، وازاي تفكر صح وتستخدم أفضل

أساليب المزاكرة.

تتعلم ازاي تقدر تحفظ، وتستوعب كم كبير من المعلومات وتربطها ببعضها بطريقة يصعب عليك نسيانها.

لازم تعرف يعني اي ذاكرة وازاي بتشتغل، وتتعلم أفضل تقنيات الذاكرة، ازاي تقدر تتخلص من المماطلة والتأجيل.

كورس learn how to learn مقدم من كورسيرا

ملخص الكورس:

1- من قناة دروس أونلاين- أحمد أبو زيد

2- من موقع free courses and books مقسم على ثلاثة مقالات:

الجزء الاول

الجزء الثاني

الجزء الثالث

2- مهارة التواصل communication skills

تعتبر مهارة التواصل هي المفتاح اللي يخليك تضمن باقي المهارات لأنها بتخليك متمكن من إرسال واستقبال الأفكار

والمعلومات والمشاعر بشكل أكثر فعالية، وبالتالي بتكون قادر تفهم الناس وده بيخلق عندك صفات كويسة زي: تقبل النقد،

الثقة بالنفس، التعاطف،التفاوض، وغيرها كتير، وعلشان تبقى متقن مهارة التواصل لازم تتدرب على الحاجات دي:

1- اتحكم في نبرة صوتك وأنها تكون واضحة واهتم كمان بمستوى الصوت ونوع فيهم وميبقاش الكلام بمستوى

أو نبرة واحدة بس لتجنب ملل اللي بيسمعك، اختار كلماتك بعناية سواء أنت وبتتكلم قصاد جمهور أو أنت بتبعت مسدج

لحد أو وأنت بتكتب تقرير أو رسالة فالشغل.
2- اتعلم تسمع كويس، وبتركيز، حسس اللي بيتكلم أنك مركز

معاه واهتمامك وانتباهك موجه له هو، وده هيخليه حاسس بالاحترام تجاهه.

3- اتعلم لغة الجسد لأنها بتخلي في انطباع مختلف عند المستمع أو المتحدث، وبتبقى عارف هو حاسس بأي

وهتتصرف أو ترد ازاي لمجرد مثلا وقفته أو حركة إيده أو اتجاه نظره.

4- تقبل النقد دايما، وحاول تختار منه النقد البناء وتطبقه.

كورس مهارة التواصل من تيرا كورسيز
كورس لتطوير مهارة التواصل من كورسيرا
كورس مهارة التواصل من إدراك
مقال عن مهارة التواصل

3- تنظيم وإدارة الوقت Time management

مهارة تنظيم الوقت وإدارته هو فن حقيقي مش بيمتلكه إلا الناجحين، من أهم المهارات لانه ببساطة بيساعدك على

تحديد أولوياتك وانك تركز على تحقيق كل هدف خططتله بشكل أكثر إنتاجية من قبل، بتكون حاسس براحة وتركيز

وانت بتنفذ مهمة معينة وبشكل منظم لأنك خلاص تخلصت من التشتت والتوتر والخوف من أنك مش هتنجز حاجة

وكمان هتتخلص من التعامل بعشوائية، بتكون حاسس بمتعة وانت بتنظم وقتك لأنك بتستخدم خرائط ذهنية و مفكرة

وبتحط أفكارك وأهدافك على الورق، التخطيط للوقت مهم جدًا، ومن أولى الخطوات للنجاح.

كورس إدارة الوقت من كورسيرا

كورس إدراة وتنظيم الوقت من إدراك

كورس عن مهارة إدارة الوقت من مهارة

الفيديو الأول عن تنظيم الوقت من أسلوب

الفيديو الثاني عن علاج ضياع الوقت من أسلوب

مقال عن إدارة الوقت

كتب عن إدارة الوقت

1- كتاب Eat That Frog للكاتب براين تريسي

2- كتاب فن إدارة الوقت للكاتب ديل كارنيجي

4- مهارة البحث Search

وهي أنك تكون قادر تدور على المعلومة بالتحديد من غير ما تتشتت بين النتائج الكتير وبسرعة ومن أول نتيجة.

علشان يبقى عندك المهارة دي محتاج تتعلم شوية خطوات وأدوات تستخدمها خلال بحثك،

ومن خلالها جوجل يطلعلك المعلومة اللي أنت عاوزها من أول نتائج، ويعمل فلترة للنتائج اللي مش هتهمك.

SEARCH

Develophobia