أهم 4 مهارات شخصية soft skills ج2
أهم المهارات الشخصية Soft skills
زي ما اتكلمنا في المقال السابق (أهم 4 مهارات شخصية soft skills ج1)، أن المهارات الشخصية Soft skills هي مجموعة من العادات والسلوكيات اللي بتظهر عند التفاعل مع الأشخاص، وازاي نتصرف عند التعرض لموقف معين، وأي هي أهمية تعلمها.
المهارات الشخصية Soft skills كتيرة جدًا من أهمها:
- مهارة التواصل Communication skill
- مهارة التنظيم والتخطيط Organization skill
- العمل الجماعي Teamwork
- مهارة القيادة الفعالة Leadership skill
- مهارة البحث Search skill
- التحفيز الذاتي والموقف الإيجابي Self motivation and positive attitude
- التفكير النقدي Critical thinking
- مهارات العرض والتقديم Presentation skill
- مهارة التعلم الذاتي Self learning
- مهارة العمل تحت ضغط Working under pressure
- مهارة حل المشكلات واتخاذ القرارات Problem solving and decision making
1- التحفيز الذاتي Self motivation
وده هيتحقق من خلال إتقان الحاجات دي:
1- اتعلم ازاي تتأقلم مع أي ظرف وأي بيئة من غير ما تأثر على كفاءة أدائك.2- فكر دايمًا بإيجابية، افترح حلول للمشاكل، انظر للجانب الكويس من التجربة واستفاد منه.
3- فكر بإبداع Be creative
متعملش نفس الحاجة مرتين وتستنى نفس النتيجة
4- خليك دايمًا طموح، ضاع حلم يجي أفضل منه.
5- اتعلم الالتزام بالهدف
متحطش هدف وتخططله وتوقف لحد هنا وتستنى اللحظة المناسبة، اللحظة المناسبة عمرها ما هتيجي، وقت ما تحط هدف ابدأ بتنفيذه.
6- كلّم نفسك دائمًا بإيجابية، وايتخدم التوكيدات.
اقرأ كتاب قوة التحفيز للدكتور إبراهيم الفقي
"I can’t change the direction of the wind, but I can adjust my sails to always reach my destination".
Jimmy Dean
2- القيادة Leadership
هي مهارة شخصية soft skills ممكن يتعلمها أي شخص مش بس مدير شغل أو قائد فريق،
صاحب المهارة دي بيبقى عنده القدرة على:
1- تحفيز الفريق وإلهامه بشكل مستمر، والتواصل معاهم بشكل سهل.
2- اتخاذ قرارت سريعة وفي نفس الوقت فعّالة.
3-حل المشكلات، وفض أي نزاع ممكن يحصل، وتميزهم بالموقف الإيجابي.
4- تقبل أي نقد.
5- الصبر والتعاطف، ويمكن الاعتماد عليه.
"To handle yourself, use your head; to handle others, use your heart".
Eleanor Roosevelt
3- مهارة العرض والتقديم presentation skills
ودي مهارة مهمة من مهارات soft skills بنحتاجها علشان نقدم بيها نفسنا في interview، أو في مشروع معين مطلوب مننا نشرحه ونعرض فكرة عمله، أو إلقاء محاضرة أو event،
علشان تتقن مهارة العرض والإلقاء:
1- حضر كويس للمحتوى اللي هتعرضه، زود عرضك بالمعلومات، وجهز كل الماتيريال اللي هتحتاجها.2- اتدرب باستمرار، تخيل وكأنك قدام اللي هتقدم قصاده واعرض الحاجة اللي هتتكلم عنها التدريب المستمر هيقلل الخوف عندك ويحوله لحماس، اختار شخص بتثق في واتدرب قصاده وجرب.
3- اعمل تمارين التنفس العميق كتير، واتدرب ازاي تتحكم في نبرات صوتك وتعرف تغيرها لو في حالة شعر المستمع بالملل.
4- متستخدمش حركات ايدك كتير علشان متشتتش المستمع.
5- احضر عروض كتير بتتكلم فنفس الموضوع اللي هتتكلم عنه.
6- اتعلم power point.
7- ابدأ عرضك بأسئلة أو قصة غريبة ليها علاقة باللي بتقدمه علشان تدي انطباع للمستمع يسمعك بحماس واهتمام.
8- اتعلم ازاي تسوق لنفسك: يعني تعرض مهاراتك بشكل كويس ومقنع، ازاي تقدر تتكلم عن نفسك، تعرض انجازاتك بشكل ملفت
كورس اكتساب الثقة من خلال الترويج للذات مقدم من مهارات من جوجل
مجموعة كاملة من كورسات لتنمية مهارة العرض مقدم من كورسيرا
كورس فن الخطابة والإلقاء مقدم من إدراك
كورس من تلات فيديوهات قصيرة عن مهارات العرض ةالتقديم بيقدمها كريم اسماعيل
كورس التحدث أمام الجمهور مقدم من مهارات من جوجل
4- التفكير النقدي Critical thinking
وهي القدرة على تحليل الموقف أو المشكلة، ويستنتجوا من التحليل ده قرارت واضحة وصحيحة، التفكير النقدي بيولد الإبداع_التفكير برا الصندوق thinking outside the box-، والمرونة، والتكيف مع أي موقف.كتاب عن التفكير النقدي
* دي كانت أهم المهارات الشخصية Soft skills اللي بيحتاجها أي شخص فحياته عمومًا بالإضافة إلى المهارات التقنية Hard skills
وهنا كورسات شاملة كل المهارات من منصات مختلفة:
1- كورسات على منصة Future learn
2- كورسات Soft skills على منصة Coursera
مقالات قد تهمك:
أهم 4 مهارات شخصية soft skills ج1التعلم الذاتي (أونلاين) self_learning
أفضل 5 منصات MOOCs الأجنبية_ منصات التعلم الذاتي
أفضل 6 منصات MOOCs العربية -منصات التعلم الذاتي
تعليقات
إرسال تعليق