تعلم اللغة الإنجليزية- Learning English- حفظ الكلمات
تعلم اللغة الإنجليزية (The most spoken language)
اللغة الإنجليزية احتلت جزء كبير من حياتنا: سواء في مجال العمل، أو الدراسة. وأصبح تعلمها من الضروريات، مش حاجة فرعية،
عدد المتحدثين بها: حوالي 1.121 مليون متحدث للغة الإنجليزية؛ منهم حوالي 378 مليون ناطق أصلي بها، وحوالي 743 مليون شخص بيستخدمها كلغة ثانية.
حوالي 118 دولة بتستخدم اللغة الإنجليزية، منهم 59 دولة بتستخدمها كلغة رسمية.
المصدر: English Language Statistics - an Exhaustive List | Lemon Grad [Internet]. Lemon Grad. 2020 [cited 13 August 2020]. Available from: https://lemongrad.com/english-language-statistics/
أهم لهجات اللغة الانجليزية
زي ما اللغة العربية ليها أكتر من لغة بتميز دولة عن التانية، كمان اللغة الإنجليزية ليها أكتر من لهجة بتميز كل دولة عن التانية_وإن كان تعلم اللهجات مش هيأثر على طلاقة اللغة_، من أهم لهجات اللغة الإنجليزية:
1- اللهجة الأمريكية The American accent
2-اللهجة الإنجليزية (البريطانية) The British accent
3- اللهجة الأسكتلندية The Scottish accent
4-اللهجة الكندية The Canadian accent
5- اللهجة الأسترالية The Australian accent
6- اللهجة النيوزلندية The New Zealand accent
7- اللهجة الإيرلندية The Irish accent
8- اللهجة جنوب إفريقية The South African accent
المصدر: تعلّم ٩ لهجات إنجليزية مختلفة! - Cambridge English [Internet]. Cambridge English. 2020 [cited 13 August 2020]. Available from: https://mea.cambridgeenglish.org/%D8%AA%D8%B9%D9%84%D9%91%D9%85-%D9%A9-%D9%84%D9%87%D8%AC%D8%A7%D8%AA-%D8%A5%D9%86%D8%AC%D9%84%D9%8A%D8%B2%D9%8A%D8%A9-%D9%85%D8%AE%D8%AA%D9%84%D9%81%D8%A9/
لي اتعلم لغة إنجليزية (أهمية اللغة الإنجليزية):
1- لغة أساسية ومطلوبة بشكل كبير في سوق العمل، وده لأنها لغة مرنة.
2- حوالي 50 % من المجلات العلمية والتقنية والدرات التدريبية بيتم تدريسها باللغة الإنجليزية.
3- لغة سهلة التعلم، من حيث المفردات والتحدث، والقواعد.
4-شرط أساسي للحصول على منحة للدراسة في الخارج، أو الحصول على وظيفة.
5- لغة عالمية، وتعلمها بيخليك تتواصل بشكل كبير مع الشعوب الناطقة بها.
6- هتوفر الوقت اللي بتضيعه علشان تترجم كلمة مش فاهم معناها، لأنك هتكون عارف معناها ومش هتحتاج للقاموس إلا فبعض الكلمات المعقدة.
ازاي اتعلم اللغة بشكل صحيح
أ) حفظ الكلمات
1- متحفظش كلمات مفردة زي ما اتكلمنا فمقال سابق، الأفضل هو حفظ الكلمة فجملة كاملة، وده لأن الكلمات المفردة بتتنسي، على عكس الجمل، وبالشكل ده أما تحفظ جملة كاملة كده حفظت خمس أو ست كلمات مش كلمة واحدة بس، حاول بعد ما تحفظ الكلمات تكون منها براجراف، أو قصة وبكده هتضمن إنك حفظت الكلمات وأنت فاهم معانيها في سياق الجمل.
من التطبيقات المساعدة في حفظ الكلمات:
4000 Essential English words
وهي سلسلة مكونة من 6 أجزاء، كل جزء مكون من 30 وحدة، كل وحدة عبارة عن:
1- Word list
وفيها 20 كلمة بالتعريف بتاعها ومعاها جملة عليها
2-تمارين على الكلمات دي منها اختياري، أو تكملة
3- قصة ودي بيكون مجمع فيها الكلمات اللي كانت في Word list ومكون منها قصة وده بيضمن أنك هتحفظ الكلمات بشكل مترابط، وبعد ما تقرأ القصة بتحل عليها تمارين
(احفظ ع الأقل كل يوم أو يومين وحدة منهم)
السلسلة دي متواجدة في صورة تطبيقات أو كتب، واللي بيميز التطبيقات على الكتب حاجتين
- الصوت: أنه بينطق الكلمة والمعنى والمثال وكده عرفت النطق الصحيح ليها
- Answer Key : ودي الإجابات اللي فنهاية كل Exercise بيقارنلك بين إجاباتك وبين الإجابة الصحيحة
تحميل السلسلة في صورة تطبيقات:
الجزء الأولالجزء الثاني
الجزء الثالث
الجزء الرابع
الجزء الخامس
الجزء السادس
* لو لسه مش عارف تحط كلمة عاوز تحفظها فجملة ممكن تكتب على جوجل (الكلمة اللى عاوز تحفظها + in sentence)
أو
* ممكن تدخل الكلمة في أي قاموس وهو هيجيبلك جمل كتير كمثال على الكلمة اللي محتاج تحفظها
من أفضل القواميس اللي ممكن تساعدك
Youglish
وده عبارة عن موقع بتدخل في أي كلمة حابب تسمع نطقها وتحفظها وبيجيبلك أمثلة عليها في صورة مقاطع فيديو من يوتيوب. تقدر تعيد المقطع أو تنتقل للمقطع اللي بعده. ممكن تدور على كلمة، أو جملة كاملة، وتسمع مقطع عليها.
لينك الموقع
https://youglish.com/
2- اتعلم النطق الصحيح للصوتيات من البداية
كورس صوتيات مقدم من قناة Z American English
تطبيق Learn English sounds right
وده تطبيق مقدم من British Council، عبارة عن خريطة للصوتيات مع نطق كل صوت فيهم وتلات أمثلة على الصوت ده.
https://play.google.com/store/
* استخدم القواميس اللي اتكلمنا عليها في مقال سابق في معرفة معنى الكلمات والنطق الصحيح ليها وجمل عليها
3- متحفظش كلمات في مجال أنت مش محتاجه، يعني متحفظش مصطلحات طبية، أدبية وأنت مش هتحتاجها، ابدأ بحفظ كلمات في مجال سهل، الكلمات مثلا اللي ممكن تحتاجها وأنت رايح تعمل interview، كلمات عن الصحة مثلا، عن اليوم، عن الرياضة. ولو متخصص في مجال معين اتعلم كلمات ومصطلحات متعلقة بي.
* الموقع ده كلمات انجليزي في مجالات كتير بتختار منهم المجال اللي حابب تعرف كلماته وبيشرح معناها بالصور والجمل.
https://www.learnenglish.de/vocabpage.html
Flashcards
ودي طريقة شائعة جدًا في حفظ أي معلومة بصورة ممتعة، الفكرة أنك بتكتب على الجنب الأول الكلمة اللي أنت عاوز تحفظها على بطاقة وتكتب تحتها المعنى، وجملة عليها، وممكن على الجنب التاني ترجمتها أو صورة بتعبر عنها، هتجمع ع الأقل عشر بطاقات بنفس الطريقة، وبعدها تعمل اختبار لنفسك: إنك تخبي الكلمة بالانجلش وتقرأ العربي وتحاول تجيب الترجمة الانجلش وتتذكر الصورة، وكده استخدمت حواس كتير علشان تتذكر كلمة وصعب بعد مده تنساها.* ممكن تصمم Flashcards على ورق وتستخدم فيها الألوان والصور اللي تحبها
أو
* ممكن تستخدم تطبيقات في عمل Flashcards الخاصة بيك ع الموبايلمن أفضل التطبيقات المستخدمة لتعلم اللغة الإنجليزية بطريقة Flashcards :
1- تطبيق Cram
رابط التطبيق:https://play.google.com/store/
2- تطبيق quizlet
رابط التطبيق:https://play.google.com/store/
تابعنا على فيسبوك
مقالات ذات صلة:
التعلم الذاتي (أونلاين) self_learning
أفضل 5 منصات MOOCs الأجنبية_ منصات التعلم الذاتي
أفضل 6 منصات MOOCs العربية -منصات التعلم الذاتي
مقال مفيدا..استمر
ردحذف